XVI.
1184.
Pierre de Brixey confirme la donation de la grange des Gimées, faite à l'abbaye de Clairlieu.
In nomine Patris et filii et Spiritus Sancti. Petrus, Dei gratia Leuchorum episcopus, universis fidelibus in perpetuum. Ad pacem et tranquillitatem servorum Dei et ad tuitionem juris ecclesiastici, notum facimus posteris et presentibus quod Matheus, comes tullensis, et uxor ejus comitissa Beatrix, cum de suo corpore nondurn suscepissent heredem, communi consilio parique consensu ministerialium et fidelium suorum, recognoverunt et concesserunt fratribus Clariloci omnem possessionem suarn in grangia sua de Gemellis, sicut autiquitus eam tenuerant, tempore ducis Lothoringie Mathei, scilicet sicut bannum de Maceriis dividitur a banno de Oscher, et sicut bannum de Oschers dividitur a banno de Bachaillei1, et sicut via tenditur grangiam usque in campum de Wincei, deinde sicut semita latotinosa tenditur usque ad bannum de Maceriis. Infra terminos hos quicquid pertinet ad comitatum tullensem, cultum et incultum, contulerunt jamdictis fratribus in elemosinam sempiternam. Contulerunt etiam eisdem fratribus ligna ad marrimandum et ad ignes et ad alios usus ejusdem grangie per totum eundem bannum de Oschers, pasturas ad omnia cujuslibet generis animalia jamdicte domus, et cetera usuaria. Et si alicui damnum illatum fuerit, sine emendatione damnum restaurabitur. Hecque omnia jamdictus comes Matheus et uxor ejus Beatrix, cum essent de comitatu tullensi legittimo jure per Manus nostras investiti, libere atque legittime contulerunt domui Clariloci. Nos autem, quoniam hec omnia a nobis feodali jure descendunt, predictam domum de his omnibus libere atque legittime investivimus, et dedimus in elemosinam sempiternam. Porro donationis hujus que facta fuit a comite et comitissa, testes suat Albricus, capellanus de Cherma2, et Theobaldus de Jorceis, et Theodericus, prepositus de Cherma, et Wirricus, monachus de Bethania. Nos autem predictam donationem que per manus nostra facta est, sub nostra protectione suscipientes, a sacratissimo corpore et sanguine Domini nostri Jesu Christi, et a sancte mairis Ecclesie membris, segregamus et excommunicamus omnem hominem qui hoc nostre confirmationis decretum infringere presumpserit, quoad ecclesie Dei juste restituat quod injuste non formidavit auferre. Fiat. Fiat. Amen. S. (signum) Frederici, decani et archidiaconi. S. Odonis, thesaurarii et archidiaconi. S. Albrici, capellani et archidiaconi. S. Haymonis, archidiaconi. S. Richardi, abbatis Bellicampi. Acturn legittirne, publice recitatum, canonice confirmatum. Datum per manum Theoderici, sancte tullensis ecclesie cancellarii et archidiaconi. lndictione IIa lncarnatione dominice anno M° C° LXXX° IIII°. Eodem quoque tempore, jamdictus Matheus, cum uxore sua et fidelibus suis, remisit eidem domui novem solidos qui in querimonia versabantur in memore et banno de Gemellis. Testes : Albricus, capellanus Villestephani3 ; Gillebertus, clericus de Sanniaco4 ; Walterus de Merelvilla5 ; Nicholaus de Fontaneto6 ; Theodoricus, prepositus. - Original en parchemin.
1. Bicqueley.
2. Charmes-la-Côte.
3. Villey-Saint-Etienne.
4. Savigny (Vosges).
5. Méréville.
6. Fontenoy.