XIV.
Sans date.
Confirmation par Pierre de Brixey, évêque de Toul (de 1168 à 1193), des donations faites à l'abbaye de Clairlieu.
In nomine Sancte et Individue Trinitatis, Patris et Filii et Spiritus Sancti. Ego Petrus, Dei misericordia Leuchorum episcopus, fratribus de Claroloco, Widrico abbati, ceterisque religiosis ibidem Deo famulantibus.... Primum itaque confirmamus vobis decimas de omnibus nutrimentis vestris et tocius territorii vestri, videlicet a rupe desuper Micinsl usque ad rupem de Tassineris, sicut via de Fracii ducit per fontem desuper Chavenei, et exinde per viam que descendit per Ramarairnont usque ad vetus atrium Ferrarie, et sicut Juratum2 nemus dividit per petrosam de Maruchasnel, et ex illinc usque ad rupem super Chantehu, usque ad vannam comitis, ubi est terminus banni, et iterum a rupe desuper Micins usque ad petrosum wadum, et inde usque ad metam de Hodemont3 que dividit alodium comitis et feodum, et ex hac meta usque ad rivum desubtus Vilers4, quo terra comitis et ducis dividitur, et a rivo usque cheniverias sub valle de Amaluth5, et ex illinc per viam que separat nemus Sancti Arnulfi et Sancti Stephani, usque ad crucem de Olaiprato, et per Martini vallem et usque ad grossam fagum. Et infra hos terminos confirmamus vobis decimas omnium nutrimentorum vestrorum et omnis agriculture territorii vestri jam acquisiti vel acquirendi, ea tamen condicione et pacto ut pro his omnibus concessis et donatis, vos et successores vestri, singulis annis, in festivitate beati Vincentii vel infra octavas, in manu abbatis vel super altare quindecim solidos cathalaunensis monete persolvatis, et domino Johanni, decano majoris treverensis ecclesie, quinque, vel cui usserit ipse recipere, et post ipsum successoribus suis ; nam ipse quartam partem decimarum tenet a domino abbate Sancti Vincentii metensis cenobii. Confirmamus etiam vobis terram quam dedit Gerardus comes Wadanimontis, supra promontorium Chelineti et quandam partem de lawauvrae ad faciendum pratum, et quicquid habebat a prato quod dederunt vobis tres fratres, Odo, Richerus et Bellinus, concedentibus cunctis heredibus eorum, usque ad brachium Mole, et pratum de Cursuria in omni usuario, et quatuor jugera piscature, sicut piscatores solebant tenere, et censum pratorum Humberti, Gilleberti, Lamberti et Goberti et heredum ejus. Hoc totem factum est licencia, assensa et consilio Teoderici, tullensis archidiaconi. Non solum autem que prescripla sunt, sed etiam quecumque largiflua Dei benignitas ecclesie vestre donavit vel in futuro donabit, presentis pagine munimine vobis confirmamus, et ut firrnata et inconcussa permaneant, pontificale sigillo roboramus. Si quis autem hujus nostre confirmationis violator extiterit, nos illum a sinu sancte matris Ecclesle segamus et cum maledicto principe tenebrarum maledicimus donec resipiscat et ad satisfactionem redeat. S. (signum) Teodorici, archidiaconi. S. Ulrici, decani et archidiaconi. S. Odonis, archidiaconi. S. Walteri, archidiaconi. S. Milonis, archidiaconi. S. Teoderici, archidiaconi. S. Albrici, archidiaconi. S. Friderici, archidiaconi. S. Hugonis, archidiaconi.
Original en parchemin.
1. Messein
2. Le bois Juré.
3. Houdemont.
4. Viller-lès-Nancy.
5. Ameleu ou Clairlieu.